Social media wo platform hay jis se aajkal logon ki Subah Shaam hoti hai,Hum Har Waqt social media Se Jurey rehte hain achi se achi aur mukhtalif post karne ke liye Aur pages,groups,logon ki walls par aik race dekhne ko milti hai hame posts ki per es Bhag Daud Mein log yeah Bhooltey Ja Rahe Hain kay Kya wo Jo kuch post kar rahe hain kya Woh sahi hai ya nahi ??
Jesa kay social media par aajkal Har Jagah Yeh posts dekhne ko mil rahi hain jin mein Hazrat Allama Iqbal ki shayari ko mazak ke Taur par istemal Kiya ja raha hai,Bahut Sare pages groups aur log apni walls per Hazrat Allama Iqbal ki shayari ko apni Soch ke daaerey mein Reh Kar Apne khayalat ka izhaar kar rahe hain Yeh Sochey bagher ki woh kya Hasti thay.
Aaj ki generation“Lab Pe Aati Hai Dua Banke Tamanna Meri”par he phasi Hui Hai Is Se Aage toh Kisi Ne Hazrat Allama Iqbal ko Samajne ki zehmmat hi nahi ki hai.
DrAllama Iqbal Ne Hamare liye Jo Baatein Kahin un par Amal toh karna Dur Ki Baat Humne unki Baaton Ko samajhne ki koshish bhi nahi ki,hum Badi Fakhar Se toh kehTe Hain ke hamara qoomi Shayar Hazrat Allama Iqbal hain par Agar Hum Se Ye Pucha Jae K Hazrat Allama Iqbal ka khudi ka falsafa kya tha toh hum lajawab Ho Kar Nazren Jhuka Lenge, Bade Afsos ki baat hai k Unka Naam saal mein sirf do baar Yaad Kiya jata hai.
Hazrat Allama Iqbal ke aashyaar ne nojawano mein Azadi ki Tadap peda Ki thi ki wo apne liye ek alheda Mulk ka mutalba kar saken par aaj ki generation unhi poetry Ka mazak Bana kar pesh kar rahi hai.
Shayar-e-Mashreq, Mufakir-e-Pakistan, Musavir-e-Pakistan aur Hakeem ul ummat ke laqab Se Jane Jate Hain par Aaj Kal Ki generation social media ki ranginiyon mein itni ghum ho chuki hai ke Kisi Ka rutba Jane Bina Kisi Ki Pehchan ko Pehchane bina har kisi ko ek mazak ki had Tak he Dekhti Hai.
Hazrat Allama Iqbal ki shayari ki agar baat ki jaye to Unke Har aik Shair Me Wo Khuda aur Hamare Nabi Hazrat Muhammad Sallallahu alayhi wa alehi wa sallam se Mukhatib hain aur un Ka Har EK Shair Quran pak Ki tashreeh Hai Aur Hum Musalman Ho ke Unki shairi ka mazak Uda rahe hain Kyunki Hum rawaayat Mein kho chuke hain, Dr Allama Iqbal ki shaksiyat aisi thi k na sirf Musalman Bal Ke unko ghair mazahib Ke Log Bhi Na Sirf Pasand Karte Hain balkey un ki shayari k bhi pairokaar hain toh hum Musalman Ho Kar kyu apni in Badi Hastiyon ka mazak udayeen,
Khuda kabhi bhi us Qoom Ki Halat nahi Badalta jab tak Woh Qoom Khud apni Halat Badalne ka na soche to Hame apni Soch Badalni hogi aur ye tab Hi Ho payega Jab Hum Sab Rawayat se bahar nikalne ki koshish Karenge, social media jesi Achi Jagah aur Mil Bhi Nahi sakti apni baat ko logon Tak pohchane ke liye Tu Agar karni hai toh acchi Baaton ko share Kijiye Jis se Hamare Din Aur Hamare Ullma-e-deen ki Logon Mein Pehchan bane, share Kijiye un namon ko Jo Aaj Is Duniya Mein Tu Nahi Hain Lekin unke Naam aur unke kaam Jo unhone Deen-e-Islam ke liye kiye wo Aaj Tak zinda hain, Hamen Naam istemal karna hai par mazak aur Masti ke liye nahi balkey un Ki Kahi Hui Har Baat Ko logon Tak pohncha kar Islam ko aur zyada mazboot karne ke liye JAZAKALLAH!!!!